Xəbər verdiyimiz kimi, Ekvadorun Quayakil şəhərində katolik ibadəti zamanı faciə yaşanıb. Canlı yayımlayan ayin zamanı keşiş Patrisio Sançez arxasındakı divara asılmış ağır taxta çarmıxın üzərinə düşməsi nəticəsində ölüb.

"Unikal" xəbər verir ki, hadisə hər kəsin təəccübünə səbəb olub. Diqqət çəkən məqamlardan biri isə qəza baş verməmişdən əvvəl keşişin çıxışı olub. 

Belə ki, qəzadan bir müddət əvvəl keşiş insanlara "Bir gün hamımız burada öləcəyik" deyib. Keşişin həyatın keçiciliyindən danışdıqdan qısa müddət sonra qəza yaşanıb və nəticədə keşiş yerindəcə vəfat edib.