Rosselxoznadzor (Baytarlıq və Fitosanitar Nəzarət üzrə Federal Xidmət) Ermənistanın qida təhlükəsizliyi yoxlama orqanından Rusiya bazarı üçün nəzərdə tutulan "Modus Granum" məhsullarının baytarlıq sertifikatlaşdırılmasını 15 oktyabr tarixindən etibarən dayandırmağı xahiş edib.
"Unikal" xəbər verir ki, məhdudiyyətlər Rosselxoznadzor yoxlama aparana qədər qüvvədə qalacaq. Qərarın səbəbi açıqlanmayıb. 15 oktyabrdan əvvəl göndərilən məhsullar adi qaydada qəbul ediləcək.
Yaydan bəri Rusiya Ermənistandan kənd təsərrüfatı məhsullarının idxalını məhdudlaşdırıb. Məhdudiyyətlər çiçəklərə, meyvələrə, tərəvəzlərə, otlara, quru meyvələrə, balıqlara və digər mallara şamil olunur.
