Türkiyə Futbol Federasiyası (TFF) yaşıl meydanlarda uzun müddətdir davam edən bir ənənəni dəyişdirərək, matçlardan əvvəlki mərasim və isinmə hərəkətlərinə plakatla çıxmaq qaydasını rəsmən ləğv edib.
"Unikal" xəbər verir ki, bu barədə qurumun rəsmi internet səhifəsi məlumat paylaşıb.
"Türkiyə Futbol Federasiyası İdarə Heyətinin qəbul etdiyi qərar istiqamətində UEFA və FIFA standartlarına tam uyğunlaşmanın təmin edilməsi, eyni zamanda klublardan və futbolçulardan gələn rəy və tələblər əsas alınaraq, oyunlarda mərasim və isinmə hərəkətlərinə plakatla çıxmaq praktikasına son verilmişdir", - deyə bəyanatda qeyd olunub.
