Portuqaliya millisinin baş məşqçisi Roberto Martines Səudiyyə Ərəbistanının "Əl-Nəsr" komandasının hücumçusu Kriştiano Ronaldonu 2026-cı il Dünya Kuboku üçün çağırmaq qərarının səbəbini açıqlayıb.
"Unikal" xəbər verir ki, o, qərarını belə izah edib:
"Birincisi, o, dünya futbolunun ikonasıdır - bütün dünyada azarkeşləri olan və şübhəsiz ki, oyunun inkişafına böyük töhfələr verən bir insan. İkincisi, o, bizim kapitanımızdır. O, özündən də digər oyunçulardan tələb etdiyi kimi tələb edir".
Bu, 41 yaşlı Ronaldo üçün altıncı Dünya Kuboku olacaq. Qrup mərhələsində Portuqaliya Konqo Demokratik Respublikası, Özbəkistan və Kolumbiya ilə qarşılaşacaq.
