Amerikalı aktyor Tommi Li Consun 34 yaşlı qızı Viktoriya Kaliforniyadakı hotellərin birində ölü tapılıb.

"Unikal" xəbər verir ki, bu barədə "TMZ" portalı məlumat yayıb.

Qeyd edilib ki, hüquq-mühafizə orqanlarının əməkdaşları Viktoriyanın cəsədini 1 yanvar səhər saatlarında San Fransisko hotelində aşkar ediblər.

Polis portala bildirib ki, polislər Viktoriyanın cəsədinin tapılması barədə məlumatı aldıqdan sonra hotelə gəliblər.

Hadisə yerinə məhkəmə eksperti gəlib, araşdırma başlayıb. Ölüm səbəbi hələlik məlum deyil.