Salyan rayonunda ölümlə nəticələnən yol-nəqliyyat hadisəsi baş verib.

"Unikal" xəbər verir ki, hadisə Ələt-Astara avtomobil yolunun Salyan rayonu ərazisindən keçən hissəsində qeydə alınıb.

"Hyundai" markalı minik avtomobilinin idarəetmədən çıxaraq yol kənarına aşması nəticəsində Səlbi Əliyeva həyatını itirib. Qəzada xəsarət alan Mahir Əsədli və Tahir Əsədov Salyan Rayon Mərkəzi Xəstəxanasına yerləşdiriliblər.

Faktla bağlı araşdırma aparılır.