ABŞ müharibəni davam etdirərsə, digər cəbhələr də açılacaq.
"Unikal" xəbər verir ki, bunu İranın Ali Dini Lideri Müctəba Xamenei "Telegram" kanalında yazıb.
O, ABŞ-nin yeni hərbi hücum təhdidini belə şərh edib: "Düşmənin həssas olacağı və lazımi təcrübəyə malik olmayacağı cəbhələrin açılması üçün işlər görülüb. Hərbi vəziyyət qorunub saxlanılarsa, tərəfimizin maraqlarına əsaslanaraq bu əlavə cəbhələr açılacaq".
Xatırladaq ki, bir müddət əvvəl ABŞ prezidenti Donald Tramp Qətər, Səudiyyə Ərəbistanı və Birləşmiş Ərəb Əmirlikləri liderlərinin xahişi ilə İrana qarşı planlaşdırılan hərbi hücumun təxirə salındığını açıqlamışdı.
Ağarza Elçinoğlu
