Xəbər verdiyimiz kimi, Bakıda keçirilən Ümumdünya Şəhərsalma Forumunun 13‑cü sessiyası (WUF13) ilk gününü uğurla başa vurub.
"Unikal"ın məlumatına görə, səhər, mayın 18-də WUF13-ün ikinci günü öz işinə başlayacaq.
Beynəlxalq Forum ikinci günə rəsmi mətbuat konfransı ilə başlayacaq.
Daha sonra Regional Afrika Nazirlər Görüşü baş tutacaq.
Günün birinci yarısı Assambleyaların birgə bağlanışı ilə yekunlaşacaq.
Sonra Ümumdünya Şəhərsalma Forumunun - WUF13 ‐ açılış mərasimi keçiriləcək.
Açılış mərasiminin ardınca WUF13-də liderlərin bəyanatları olacaq.
Gün MINURVI (Latın Amerikası və Karib hövzəsi ölkələrinin Mənzil və Şəhərsalma Nazirləri və Ali Səlahiyyətli Orqanlarının Forumu) sessiyası ilə yekunlaşacaq.
Ağarza Elçinoğlu
