Ukrayna Prezidenti Administrasiyasının keçmiş rəhbəri Andrey Yermak barəsində 140 milyon (3 milyon 182 min dollardan çox) qrivna girov müqabilində həbs qətimkan tədbiri seçilib.
"Unikal" xəbər verir ki, bu barədə Ukrayna mətbuatı yazıb.
Yermak bu halda həbsdən azad ediləcək və ona elektron qolbaq veriləcək.
Qeyd olunub ki, prokurorluq Yermak üçün 180 milyon qrivna məbləğində girov qoyulması ehtimalı ilə həbs qətimkan tədbiri istəyib.
Xatırladaq ki, SAPO və NABU əməkdaşları Ukrayna Prezidenti Aparatının keçmiş rəhbəri Andrey Yermakla bağlı istintaq aparıblar. Bundan sonra NABU bildirib ki, istintaqa görə, keçmiş aparat rəhbərinə elit fərdi evlərin tikintisi üçün çirkli pulların yuyulması sxemində iştirak etdiyinə görə şübhə ilə yanaşılıb.
İş Kiyev yaxınlığındakı Kozın şəhərində "Dynasty" adlı elit kottec şəhərciyinin tikintisi ilə bağlıdır. Hüquq-mühafizə orqanlarının məlumatına görə, cinayətkar qrupa həmçinin iş adamı Timur Mindiç və keçmiş baş nazirin müavini Oleksiy Çernışov da daxil idi.
Təqsirləndirilən şəxslər təxəllüslərdən istifadə ediblər (xüsusən də Yermaka R2 kodu verilib) və maliyyələşdirmə həm mənzil-tikinti kooperativi vasitəsilə, həm də böyük məbləğdə nağd pulu birbaşa iş icraçılarına köçürməklə həyata keçirilib.
Ağarza Elçinoğlu
