İranın Ali Liderinin beynəlxalq məsələlər üzrə müşaviri Əli Əkbər Vilayəti ABŞ-nin regiondan qaçılmaz şəkildə çıxacağını proqnozlaşdırıb.
"Unikal" xəbər verir ki, o, Vaşinqtonun İranla qarşıdurmada məğlubiyyətinin Britaniya müstəmləkəçiliyinin sonu ilə müqayisə edilə bilən tarixi bir dönüş nöqtəsi olacağına inanır.
Vilayəti ABŞ-nin hazırkı vəziyyətini 20-ci əsrin ortalarında Britaniya imperiyasının böhranı ilə müqayisə edib.
"Proqnozlaşdırılır ki, ABŞ tezliklə regionu tərk etməyə məcbur olacaq, necə ki, Böyük Britaniya 1956-cı ildə Camal Əbdül Nasir tərəfindən məğlub edildi. Bir vaxtlar deyildiyi kimi, günəşin heç vaxt batmadığı imperiya çöküb. Bu gün ABŞ imperiyası İran və Müqavimət Cəbhəsi tərəfindən məğlub edildikdən və Tehranın Hörmüz boğazına tam nəzarət etməsindən sonra mütləq çökəcək", - deyə siyasətçi qeyd edib.
